У Ілінойсе звольнены супрацоўнік застрэліў пяць чалавек у офісе

У горадзе Арора ў Ілінойсе супрацоўнік кампаніі па вытворчасці прамысловых клапанаў застрэліў пяцёх таварышаў па службе пасля таго, як яму паведамілі аб звальненні, піша Meduza са спасылкай на Associated Press.

Яшчэ адзін пацярпелы супрацоўнік быў дастаўлены ў бальніцу.

Той, хто страляў, 45-летні Гары Марцін, таксама параніў пецярых паліцэйскіх, якія прыбылі на месца здарэння. Ён паспрабаваў схавацца, але быў забіты.

Марцін прапрацаваў у кампаніі 15 гадоў, перадае Reuters.