Вы тут

Віншаванне Прэзідэнта са 100-годдзем дыпламатычнай службы


Работнікам дыпламатычнай службы Рэспублікі Беларусь


Паважаныя супрацоўнікі Міністэрства замежных спраў, замежных устаноў Рэспублікі Беларусь, ветэраны дыпламатычнай службы!

Стагоддзе беларускай дыпламатычнай службы, пачатак якой быў пакладзены ў студзені 1919 года, — важная гістарычная вяха для нашай краіны.

У гэты перыяд адбылося мноства знакавых падзей. Самыя яркія з іх — падпісанне ў 1945 годзе Статута ААН і ўваходжанне Беларусі ў склад заснавальнікаў Арганізацыі Аб'яднаных Нацый.

Развіццё нацыянальнай дыпламатыі непарыўна звязана са станаўленнем беларускай дзяржаўнасці, рашэннем задач па забеспячэнні раўнапраўнай інтэграцыі нашай краіны ў сусветную палітычную, эканамічную, навуковую, культурную і інфармацыйную прастору.

За гады незалежнасці Рэспубліка Беларусь дамаглася прыкметных дасягненняў на сусветнай арэне: захавала і ўмацавала традыцыйныя сувязі, пашырыла кола замежных партнёраў і саюзнікаў, стала ўдзельнікам інтэграцыйных праектаў, многіх аб'яднальных міжнародных ініцыятыў, адкрыла і асвоіла новыя перспектыўныя рынкі, зарэкамендавала сябе як донар рэгіянальнай бяспекі.

У гэтых дасягненнях — немалая заслуга дыпламатаў. Сваёй напружанай працай, высокім прафесіяналізмам і адказным падыходам да справы вы не раз пацвярджалі здольнасць эфектыўна абараняць законныя інтарэсы Беларусі, правы і свабоды яе грамадзян за мяжой.

Перакананы, што Міністэрства замежных спраў і надалей застанецца на «перадавой» барацьбы за суверэнітэт і рэальную незалежнасць, павышэнне ролі нашай дзяржавы ў свеце.

Віншую супрацоўнікаў міністэрства і замежных устаноў Рэспублікі Беларусь са знамянальным юбілеем. Асаблівыя словы ўдзячнасці адрасую ветэранам дыпламатычнай службы, якія ўнеслі значны ўклад у развіццё беларускай дыпламатыі, з'яўляючыся прыкладам служэння Айчыне.

Жадаю вам моцнага здароўя, шчасця і поспехаў у вашай дзейнасці на карысць Радзімы.

З павагай, Прэзідэнт Рэспублікі Беларусь Аляксандр Лукашэнка

Загаловак у газеце: На «перадавой»лініі

Выбар рэдакцыі

Культура

Што з нашага парадку дня трапляе ў «афіцыйнае» дакументальнае кіно

Што з нашага парадку дня трапляе ў «афіцыйнае» дакументальнае кіно

Свавольныя традыцыі, постчарнобыльскі рай і камп'ютарныя курсы для пенсіянераў.

Эканоміка

Як наладзіць бізнес у невялікім райцэнтры, дзе няма чыгункі

Як наладзіць бізнес у невялікім райцэнтры, дзе няма чыгункі

Уздзенскі касцёл, які пабудавалі ў канцы ХVІІІ стагоддзя, мясцовыя ўлады не адзін раз спрабавалі прадаць праз электронны аўкцыён, але ахвотных аднавіць помнік архітэктуры не знаходзілася. 

Спорт

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

У заключным матчы ЧЕ па гандболе зборная Беларусі згуляла ўнічыю з камандай Аўстрыі — 36:36