З 1 па 4 лістапада ў Бабруйску праходзіць чэмпіянат свету па панкратыёну, у якім прымаюць удзел 300 прадстаўнікоў больш чым з дваццаці краін свету. Гэта самыя маштабныя гульні за апошні час іх існавання.
Найбольш шматлікія каманды прыехалі ў Бабруйск з Беларусі, Расіі, Украіны і Казахстана. Упершыню ўдзел у спаборніцтвах прымаюць Аўстралія і Катар. Баі праходзяць у сценах сямітысячнай «Бабруйск-Арэны» адначасова на трох дыванах. Сіламі мераюцца мужчыны і жанчыны ў розных узроставых і вагавых катэгорыях. За чатыры дні чэмпіянату будзе разыграна 70 камплектаў медалёў. Гледачы змогуць ацаніць магчымасці як пачаткоўцаў, так і заслужаных майстроў гэтага віду спорту. Сярод апошніх кумір бабруйскіх заўзятараў, іх зямляк Арцём Дамкоўскі.
Чэмпіянат праводзіцца па ініцыятыве Міжнароднай арганізацыі «Аб'яднаны свет барацьбы» (UWW), Беларускай федэрацыі панкратыёна і змешаных баявых адзінаборстваў пры падтрымцы Міністэрства спорту і турызму Рэспублікі Беларусь, Прэзідэнцкага спартыўнага клуба, Магілёўскага аблвыканкама і Бабруйскага гарвыканкама.
Нэлі ЗІГУЛЯ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
