Вядома, што ў Беларусі спажывецкая кааперацыя традыцыйны лідар па нарыхтоўчай дзейнасці. На Віцебшчыне яе ажыццяўляюць у 92 пунктах.
Таксама гэтым займаюцца рознічныя гандлёвыя прадпрыемствы. Купляюць больш за дваццаць відаў сельскагаспадарчай, дзікарослай сыравіны. І не толькі ў грамадзян. У спісе здатчыкаў — фермерскія гаспадаркі, садаводчыя таварыствы і сельскагаспадарчыя кааператывы.
Спажывецкая кааперацыя — асноўны нарыхтоўшчык бульбы, агародніны, садавіны, ягад, грыбоў і іншай вітаміннай прадукцыі.
За восем месяцаў бягучага года ў Віцебскай вобласці ў грамадзян закуплена сельскагаспадарчай прадукцыі больш чым на 10,7 мільёна рублёў.
Першы намеснік старшыні праўлення Віцебскага аблспажыўсаюза Віктар Шуляк паведаміў, што за студзень — жнівень закуплена ў насельніцтва 4468 тон пладоў і ягад. Гэты паказчык з тэмпам росту да аналагічнага перыяду мінулага года 162,1 %. Закуплена 4312 тон яблыкаў, 20 тон сліў, 136 тон так званых культурных ягад, у тым ліку 78 тон клубніц.
Аб'ёмы закупак дзікарослай прадукцыі за восем месяцаў склалі 191,5 тоны і перавысілі нарыхтоўку адпаведнага перыяду мінулага года на 176,1 тоны.
Каб рэалізоўваць айчынныя бульбу і плодаагароднінную прадукцыю ў міжсезонны перыяд, функцыянуюць 16 сховішчаў. Там адначасова можна захоўваць больш за 5,9 тысячы тон.
Аляксандр ПУКШАНСКІ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
