Аксана Ючкавіч
нарадзілася 2 лістапада 1989 года ў вёсцы Параф’янава Докшыцкага раёна. Мае цудоўных бацькоў — Святлану і Станіслава, якія з маленства давалі столькі свабоды, колькі ёй хацелася, абмяжоўваючы толькі сумленнем. За сумленне на пачатковых этапах адказвалі прабабуля Антуніна і Касцёл. Вершы пачалі складацца выпадкова, калі ў дзяцінстве скакала праз вогнішча ў ноч на святога Яна. Гэта было на дамбе, дзе працаваў тата, — ля вёскі Грабучае (Докшыччына). І гэта не жарт. Тады яна зразумела, што рытм і рыфма нараджаюцца ў скоках і танцах, ды нейкім чынам могуць пераўвасобіцца ў слова. Вось так і пачалося…
КЛІЧУ ЦЯБЕ
***
Сумоўе зіма праводзіць,
Прыйшоў і яе чарод.
Адказаў яна не просіць,
Знішчае сляды згрызот,
Знішчае, што цёмная восень
Насыпала зло–бяды,
Знішчае самоту сосен,
Што вее з асенняй нуды,
Засыпала снегам белым,
Схавала. Ды прыйдзе цяпло,
Адкрые наноў падзелы,
Якія зімой не відно!
Адкрые цяпло бядоты,
Якое хавае зіма,
Зазелянеюць чароты,
Дубы і наноў ярына!
Лебедзь
Ён:
— Рунее жыццё Тваё, мілая,
Рунее, заквітла ўжо,
І лебедзь адна тужлівая
Плыве, нешта шэпча, ого!
Ён:
— Збірае Цябе ў далечы
З чародаю сваёй сям’і,
Сум між намі — што подых галечы,
Ды растання спяшаюцца дні.
Я кідаюся ў роздум, мілая,
Раптам згоду дасі лебядзям,
А я — птушка малая, бяскрылая,
Застануся, Цябе ж — аддам
Я нябёсам, аблокам і хмарынам,
Хай нясуць несупынна Цябе.
Можа, там будзе знойдзена новая
Веры моц і сэнсоўны твой дзень.
Яна:
— Засталася з табою побач я,
Хоць хацела нябёсы займець,
Толькі ведаю, мілы, цяжка мне
Без Цябе ў блакіт узляцець.
Беларуская Жанна д’Арк
Стаптаныя да дзір балеткі,
На плечы злёгку кінуты пінжак,
Яна вяртаецца ізноў у покліч гэты,
Яна вяртаецца, прыходзіць — Жанна д’Арк.
Пастукала у дзверы ў позні вечар,
Адкрылі ў радасці і воклічам: «Ты тут!»
Кранулі цёпла і па–роднаму за плечы:
Ты побач з намі і няма больш пут!
Прыйшла, каб вызваліць людзей з пакутаў,
Зірнула ціха, пранікнёна ў вочы,
Рука прайшлася па сцяне сырой.
Яна распавяла пра сон прарочы,
І ціха прашаптала:
«Божа мой!
Люблю, як я люблю, да ран на пятах,
Той край, якім ішла у дождж і снег,
Люблю я лёс, які — хтось скажа — кляты,
Але не пераможа яго грэх!
Я — Жанна д’Арк,
Я — і Эмілія Плятэр,
І будзе перамогі ў Богу верх!
Няхай паўскладаюць латы
Усе, хто прагне волі, а не ўцех!»
Перагортваючы старое
Гартаючы кнігі і пыл між паліцаў,
Здзьмухаючы пот — ён у кніжак сухі, —
Блукае чытач, як быццам крыніцаў
Шукае, сасмяглы за ўсе свае дні!
Пра чалавека
Схоплены адчаем,
Роспаччу і смуткам,
Я іду па свеце
Крокам шпаркім–хуткім.
Вецер атуляе
Коўдрай ледзяною,
З шэранем і градам,
І снягоў сувоем.
Я іду па сцежцы,
Што віецца доўга,
То уніз пятляе,
То ў аблок раптоўна.
Пераасэнсаванне
У кнігах старых адшукала запіску,
Якую старанна выводзіў святар,
А потым у кнігу, нібы у валізку,
Паклаў свае думкі для нас, нібы дар.
Праз год, можа, сорак ізноў прачыталі,
Ды толькі ўжо іншыя вочы яе,
А рукі мае між старонак гарталі
Шукаючы знакі, якіх не стае…
Лондан
Лужыны горада Тэмзы
У памяці разам з туманам.
Гмах да нябёс высачэзны —
Ён ці з душой, ці з падманам,
Валынкі гук пад Біг–Бэнам
І звон манет дакранання,
І лёгкі, салодкі дым — пэўна,
Арэхаў у цукры — да рання
Разносіцца ў горадзе гэтым,
Дзе я згубіла сумневы,
Дзе раптам знайшла шматдзетны
Надзеі прытулак і веры.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?