Падрыхтаваць рэферэндум можна за 70 дзён, а пройдзе ён за пазабюджэтныя сродкі. Пра гэта паведаміла кіраўнік ЦВК Лідзія Ярмошына ў кулуарах Палаты прадстаўнікоў.
Кіраўнік ЦВК не распавяла, аб якіх магчымых зменах Канстытуцыі ідзе гаворка, але ўдакладніла, што займацца пытаннем будзе ў асноўным Канстытуцыйны суд, а Цэнтральная выбарчая камісія будзе рыхтаваць рэферэндум, бо большасць раздзелаў Канстытуцыі можа быць зменена толькі на рэферэндуме.
Ярмошына паведаміла, што тэхнічна правядзенне рэферэндуму праблемы не складае - яго можна арганізаваць за 70 дзён. Яна ўдакладніла, што калі рэферэндум будзе арганізаваны, то пройдзе ён за пазабюджэтныя сродкі - на рахунак ЦВК будуць пераводзіць сродкі прадпрыемствы і фізічныя асобы. Яна ўдакладніла, што гаворка ідзе пра невялікую суму «у 3-4 разы меншую, чым на правядзенне выбараў», бо грошы патрэбныя толькі на друкаванне ўлётак і працу выбарчых камісій на працягу тыдня.
Ярмошына таксама дадала, што падрыхтаваныя папраўкі ў выбарчае заканадаўства будуць разглядацца ўжо пасля правядзення рэферэндуму.
Лідзія Ярмошына таксама распавяла, што пакуль не вызначана і рашэнне праблемы «2019-2020» - гэта значыць развядзення па часе прэзідэнцкіх і парламенцкіх выбараў. «Гэтае пытанне я буду ставіць восенню», - адзначыла яна.
Распавядаючы пра тое, як будзе фармалізавана такое рашэнне, яна адзначыла, што калі гаворка пойдзе аб правядзенні датэрміновых выбараў прэзідэнта, пытанне будзе вырашаць парламент, калі ў парламент - то гэтае пытанне будзе вырашаць прэзідэнт. Прычым распускаць парламент пры пераносе тэрмінаў выбараў не спатрэбіцца, запэўніла кіраўнік ЦВК.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
