17 лютага адбылося адкрыццё сумеснай вытворчасці аўтатэхнікі ААТ «МАЗ» у Каіры. Партнёрамі ААТ «МАЗ» выступілі кампанія «Helwan Machinery and Equipment» Нацыянальнай арганізацыі ваеннай прамысловасці Егіпта і кампанія «International Co. for Industry and Projects».
У мерапрыемстве ўзялі ўдзел Дзяржаўны міністар вайсковай прамысловасці Егіпта генерал-маёр Мухамад аль-Асар, Міністр гандлю і прамысловасці Тарык Кабіль, Міністр транспарту Хішам Арафат, Старшыня Федэрацыі прамысловых палат Егіпта Мухамад Закі аль-Сувейдзі, прадстаўнікі Міністэрства абароны Арабскай Рэспублікі Егіпет, кіраўнікі буйных егіпецкіх будаўнічых кампаній, Пасол Рэспублікі Беларусь у Егіпце Сяргей Рачкоў, намеснік генеральнага дырэктара - камерцыйны дырэктар ААТ «МАЗ» Генадзь Скітаў.
Магутнасць сумеснай вытворчасці складае 500 аўтамабіляў у год з магчымасцю павелічэння. Плануецца паступовае павышэнне ўзроўню лакалізацыі сумеснай вытворчасці да 40 працэнтаў у мэтах паставак прадукцыі на рынкі суседніх краін рэгіёну.
У ходзе адкрыцця праведзена дэманстрацыя вытворчых працэсаў спецыялістамі «Helwan Machinery and Equipment» на васьмі участках зборкі. Заключана пагадненне паміж ААТ «МАЗ» і кампаніяй «Helwan Machinery and Equipment» на пастаўку машынакамплектаў для сумеснай вытворчасці на суму 5 млн. долараў. Частка машынакамплектаў ўжо закантрактавана егіпецкімі кампаніямі-спажыўцамі.
Егіпецкім бокам таксама праяўленая зацікаўленасць у сумеснай вытворчасці камунальнай тэхнікі ААТ «МАЗ», абсталявання для патрэб падраздзяленняў па барацьбе з надзвычайнымі сітуацыямі, тэхнікі спецыяльнага прызначэння.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
