Напрыканцы мінулага тыдня маразы ў Беларусі змяніліся адлігай. Дажджы з мокрым снегам, якія ідуць у краіне з панядзелка, не дабаўляюць трываласці ледзяному покрыву на вадаёмах. Таму рыбалка і прагулкі па лёдзе зараз з высокай доляй верагоднасці могуць стаць апошнімі ў жыцці ў літаральным сэнсе гэтага слова.
— Ад ільду, які яшчэ захоўваецца на вадаёмах, засталася фактычна толькі адна назва, — кажа вядучы спецыяліст рэспубліканскага савета Таварыства ратавання на водах Алег Баразна. — Ён смяротна небяспечны на ўсіх вадаёмах, асабліва на рэках — з-за цячэння. Прагноз надвор'я пакуль несуцяшальны: істотных маразоў, якія маглі б спыніць разбурэнне лёду, у найбліжэйшыя дні не чакаецца. Але адметна, што падчас гэтай адлігі мы не фіксуем смяротных выпадкаў на вадаёмах. Апошняе жыццё лёд забраў яшчэ 18 студзеня. У Гарадоцкім раёне рыбак у поўнай экіпіроўцы праваліўся пад лёд на рацэ Абалянцы.
Валяр'ян ШКЛЕННІК
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
