Вы тут

Арганізатару скачкоў з вышыні ў Соснах прысудзілі 3 гады калоніі


18 чэрвеня 2017 года ў Соснах адбылося жудаснае здарэнне: з вышыні 70 метраў упаў малады чалавек. У той дзень экстрэмалы сабраліся для скачкоў уніз з вяроўкай - такая забаўка тут арганізоўвалася час ад часу. Па версіі следчых, арганізатар скачкоў не зафіксаваў вяроўку, што прывяло да гібелі 27-гадовага хлопца. Праверка праводзілася дастаткова доўга, следчыя канстатавалі, што гэта беспрэцэдэнтны выпадак для Беларусі. У снежні мінулага года Следчы камітэт завяршыў расследаванне гібелі хлопца, а сёння арганізатару скачкоў быў вынесены прысуд.


Да заканчэння судовых пасяджэнняў абвінавачаны знаходзіўся пад падпіскай аб нявыездзе.

Індывідуальнаму прадпрымальніку было прад'яўлена абвінавачванне па ч. 1 арт. 144 ( "Прычыненне смерці па неасцярожнасці") Крымінальнага кодэкса Рэспублікі Беларусь. Пракурор запрасіла абвінавачанаму 3 гады пазбаўлення волі з адбываннем пакарання ў калоніі агульнага рэжыму. Дзяржабвінаваўца таксама прапанаваў задаволіць усе іскавыя патрабаванні, заяўленыя пацярпелым - бацькам загінулага хлопца, а таксама яго роднай сястрой.

Сваю віну мужчына не прызнаў. Ён перакананы, што з яго боку парушэнняў дапушчана не было, а яго дзеянні не маглі прывесці да гібелі маладога чалавека, да таго ж скачкі з вяроўкай не забаронены ў нашай краіне.

Сёння суд Заводскага Мінска вынес рашэнне: мужчына прызнаны вінаватым у прычыненні смерці па неасцярожнасці і прысуджаны да 3 гадоў пазбаўлення волі ва ўмовах адбыцця пакарання ў калоніі агульнага рэжыму. Па грамадзянскім іску спагнаць 60 тысяч рублёў за прычыненне маральнай шкоды на карысць бацькі загінулага і 30 тысяч на карысць сястры.

Прысуд у законную сілу не ўступіў і можа быць абскарджаны і апратэставаны.

onliner.by

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...