Міжнародная адукацыйная акцыя “Геаграфічная дыктоўка” упершыню пройдзе на геаграфічным факультэце БДУ (вул. Ленінградская, 16, аўд. 212, 311, 312). Асноўнай мэтай мерапрыемства з'яўляецца ацэнка ўзроўню геаграфічнай граматнасці насельніцтва. Дыктоўка ўключае 30 заданняў, падзеленых на тры блокі. Удзельнікі змогуць праверыць сябе на веданне геаграфічных паняццяў і тэрмінаў, размяшчэнне геаграфічных аб'ектаў на карце, а таксама паспрабуюць устанавіць месцазнаходжанне аб’ектаў па запісах у дзённікаў падарожнікаў і ўрыўках з мастацкіх твораў.
Усяго за “Геаграфічную дыктоўку” можна набраць 100 балаў. На выкананне заданняў даецца 45 хвілін. У БДУ дыктоўку будуць пісаць з 12.15 да 13.00.
Удзельнікам адукацыйнай акцыі могуць стаць жыхары Мінска незалежна ад узросту, адукацыі і грамадзянства. Для гэтага ім неабходна да 25 лістапада ўключна зарэгістравацца па пошце: yarotaubgo@gmail.com або па форме. Таксама можна падаць заяўку па тэлефонах: +375 (29) 125 15 57, 8 (017) 209 54 78.
Яшчэ адной пляцоўкай для напісання “Геаграфічнай дыктоўкі” у Беларусі стане Брэсцкі дзяржаўны ўніверсітэт імя А.С.Пушкіна.
Адукацыйная акцыя “Геаграфічная дыктоўка” праводзіцца, пачынаючы з 2015 года па ініцыятыве рускай геаграфічнай супольнасці. Да 2017 года яна мела статус усерасійскай, а з гэтага сезону маштаб акцыі стаў міжнародным. Дыктоўка пройдзе адначасова ў 26 краінах: Беларусі, Расіі, Польшчы, Аўстраліі, Азербайджане, Аргенціне, Вялікабрытаніі, Даніі, Нарвегіі, Сербіі, Сірыі, Турцыі, Чарнагорыі, Чэхіі, Кітаі, Румыніі і іншых. Пад яе будуць задзейнічаны 2015 пляцовак.
Вынікі выкананых работ абвесцяць 25 снежня. З імі можна будзе азнаёміцца на сайтах арганізатараў. У нашай краіне акцыя праводзіцца пры садзейнічанні Беларускага геаграфічнага таварыства.
Надзея НІКАЛАЕВА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
