22 Чэрвень, пятніца

Вы тут

Узаемадзеянне "школа-ВНУ-прадпрыемства" абмяркуюць у Гомелі


Узаемадзеянне, пераемнасць, бесперапыннасць адукацыйнай сістэмы "школа- ВНУ-прадпрыемства" абмяркуюць прадстаўнікі трох краін на міжнароднай навукова-метадычнай канферэнцыі, якая пройдзе ў Гомельскім дзяржаўным універсітэце імя Ф.Скарыны 23-24 лістапада, паведамілі ў прэс-службе ВНУ.


Фота: hse.ru

Кола ўдзельнікаў мерапрыемства досыць шырокае. Свае даклады на форуме прадставяць больш за 250 педагогаў, вучоных, кіраўнікоў і прадстаўнікоў прадпрыемстваў і арганізацый з Беларусі, Расіі, Украіны.

"Форум праводзіцца ўжо ў адзінаццаты раз, і з кожным годам цікавасць да яго расце. Ён дазваляе вызначыць перспектыўныя стратэгіі ўзаемадзеяння ўсіх суб'ектаў прафарыентацыйнай работы, намеціць асноўныя напрамкі яе ўдасканалення з улікам вопыту беларускіх, расійскіх, украінскіх спецыялістаў", - адзначылі ў прэс-службе.

Праграмай запланавана работа некалькіх секцый. Удзельнікі абмяркуюць агульнатэарэтычныя і прыкладныя праблемы развіцця адукацыйнай сістэмы "школа-ВНУ-прадпрыемства", педагагічныя, арганізацыйныя, эканоміка-прававыя ўмовы яе эфектыўнага функцыянавання. Таксама будуць разгледжаны змест, формы, праблемы выхаваўчай работы, актуальныя напрамкі работы з адоранай моладдзю. У цэнтры ўвагі спецыялістаў будуць і пытанні рэалізацыі кластарнага падыходу, ролю інфармацыйных тэхналогій у адукацыйнай дзейнасці і г.д.

БЕЛТА

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра бунт малога, выпадак на ферме і цікавае выступленне на вяселлі.

Грамадства

Астравец: як будуецца горад энергетыкаў

Астравец: як будуецца горад энергетыкаў

Пуск першага энергаблока Беларускай АЭС плануецца на канец 2019 года.

Грамадства

Што могуць рэгіёны?

Што могуць рэгіёны?

Савет Рэспублікі працягвае выязныя пасяджэнні ў абласцях. Парламентарыі наведалі Гродзеншчыну.

Грамадства

Ад педагога залежыць, як «будзе гучаць мелодыя»

Ад педагога залежыць, як «будзе гучаць мелодыя»

Медыяпраект «Мая малая Радзіма, або Чаму я стаў педагогам?» запусцілі ў БДПУ.