Калі ёсць у «Звязды» падпісчык са стажам, дык гэта, мусіць, я. Газету выпісваю і чытаю з 1960 года. У «Звяздзе» цікавага шмат. Тут усё і ўсе мне знаёмыя. Люблю артыкулы Валянціны Доўнар, вельмі рада, што на старонках зноў з'явілася імя Алена Ляўковіч.
Не магу не згадаць, як газета праводзіла конкурс прыпевак. Адну з іх помню па сённяшні дзень, бо вельмі ж яна справядлівая:
У настаўніка Пятрова
Цэлы год няма абновы.
Былы двоечнік-балбес
Змяніў трэці мерседэс.
...Шчыры дзякуй усім журналістам стагадовай газеты за іх нялёгкую працу і цікавыя артыкулы, за «...Народ на провадзе!». Яго я таксама збіраю і часам перачытваю. Пішыце больш пра здароўе, пра сад і гарод, пра наша мінулае, разыгрывайце прызы, бо ў многіх вашых падпісчыкаў стаж вялікі (у мяне больш за сорак гадоў). Асобная просьба — шануйце мову. Я люблю яе слухаць, люблю на ёй чытаць і таму выбіраю «Звязду».
Вера Яфімаўна КЛІМОВІЧ,
в. Сцяцкі, Стаўбцоўскі раён
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.