Калі ў вас заваляліся непатрэбныя альбо няўдала запісаныя CD, паспрабуйце пафантазіраваць і даць ім другі шанц. Прапануем вашай увазе падстаўку пад гарачае, зробленую са старога кампакт-дыска.
Крок 1. Выберыце старыя непатрэбныя дыскі і праверце, ці не захоўваецца на іх важная інфармацыя.
Крок 2. З крафтавай ці абгортачнай паперы, старонкі глянцавага часопіса, фотаздымка, паштоўкі выражце кружок памерам з дыск і наклейце яго на адзін бок дыска. Для больш стыльнага дызайну размалюйце дыск фламастарамі альбо проста пакіньце ў першапачатковым выглядзе.
Крок 3. Нанясіце на паверхню празрысты лак: гэта зробіць падстаўку вільгаценепранікальнай. Не карыстайцеся шэлакам (прыродная смала), бо ён не вільгацеўстойлівы.
Крок 4. На другі бок дыска наклейце кружок з лямцу патрэбнага памеру.
Новая падстаўка пад гарачае гатовая!
Іншыя ідэі для рэцыклінгу старых CD
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?