Сёлета ў Беларусі плануецца нарыхтаваць і перапрацаваць каля 13 тысяч тон бярозавіку. На сённяшні дзень сабрана ўжо каля 10 тысяч тон, паведамілі ў канцэрне «Белдзяржхарчпрам».
Спецыялісты адзначаюць, што працягласць і паспяховасць нарыхтоўчага сезона напрамую залежыць ад умоў надвор'я, і рэзкае пацяпленне можа значна скарэкціраваць планы нарыхтоўшчыкаў. Напрыклад, прадпрыемствы Брэсцкай вобласці, дзе тэмпература паветра пайшла ўверх раней, чым у іншых рэгіёнах, збор соку ўжо завяршаюць, а ў Віцебскай прыступілі толькі на мінулым тыдні.
Сёння беларускія прадпрыемствы могуць вырабляць каля 40 найменняў сокаў на аснове бярозавіку. Акрамя непасрэдна бярозавага з цукрам выпускаюцца напоі з даданнем сокаў розных культурных і дзікарослых ягад, з настоямі лекавых траў — мацярдушкі, кветак ліпы, рамонку, мелісы і інш.
Сяргей РАСОЛЬКА
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
