Некаторыя віды цыгарэт падаражэюць у Беларусі з 1 красавіка

Паведамілі ў прэс-службе Міністэрства па падатках і зборах.

Падаражанне закране прадукцыю ААТ "Гродзенская тытунёвая фабрыка "Нёман". Так, на 2 капейкі стануць даражэйшыя цыгарэты "Мінск", "Мінск 7", "Прэм'ер", "Прэм'ер 7". Цыгарэты "Магнат", "Магнат 7", некаторыя віды Luckies, Kent вырастуць у цане на 5 капеек, 
"Фэст", "Фэст 7" - на 6 капеек. Паднімуцца цэны на некаторыя віды цыгарэт NZ.

Што датычыцца прадукцыі ТАА "Тытунь-Інвест", то цыгарэты Camel Black падаражэюць на 20 капеек.

Сярод імпартных цыгарэт на 5 капеек паднімуцца цэны на Dunhill Blue і Dunhill Gold. Даражэюць некаторыя віды цыгарэт Aroma Rich (на 5-10 капеек), Kiss і Richmond (на 10 капеек).

Беларускія вытворцы і імпарцёры цыгарэт маюць права штомесяц дэклараваць максімальныя рознічныя цэны на тытунёвыя вырабы.

БЕЛТА