Крысцін Мутанен, старшыня Парламенцкай асамблеі Арганізацыі па бяспецы і супрацоўніцтве ў Еўропе, прыляцела ў Нацыянальны аэрапорт і амаль адразу ж накіравалася ў Дом урада. У ім адбылася сустрэча кіраўніка ПА АБСЕ з Уладзімірам Андрэйчанкам, старшынёй Палаты прадстаўнікоў Нацыянальнага сходу Беларусі, і віцэ-спікерам Савета Рэспублікі Марыянай Шчоткінай. Галоўная нагода для візіту — правядзенне 26-й сесіі ПА АБСЕ ў ліпені гэтага года ў Мінску.
Уладзімір Андрэйчанка расказаў пра ўжо праведзеную работу: стварэнне і працу арганізацыйнага камітэта, вырашэнне пытанняў фінансавання, вызначэнне месцаў для мерапрыемстваў. А таксама паабяцаў, што Беларусь зробіць усё магчымае, каб усім 700 удзельнікам сесіі было камфортна знаходзіцца ў нашай краіне. У сваю чаргу Крысцін Мутанен выказала ўдзячнасць і задавальненне тым, што падзея мусіць адбыцца менавіта ў Мінску, бо апошнімі гадамі ён стаў пляцоўкай для важных міжнародных перамоў. Па яе словах, ліпеньскае мерапрыемства ўмацуе міжпарламенцкі дыялог. Арганізацыя таксама надае ўвагу ролі жанчын і захаванню іх правоў. Таму старшыня ПА АБСЕ прапанавала ў межах сесіі правесці ланч для прадстаўніц прыгожай паловы чалавецтва.
Вераніка ПУСТАВІТ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
