Навучэнцам Мінскага раёна прадастаўлена права бясплатнага праезду на вучобу ў сталіцу. Гэта рэгламентавана рашэннем Мінскага абласнога Савета дэпутатаў ад 15 верасня бягучага года №152. Яно апублікавана на Нацыянальным прававым інтэрнэт-партале.
Дакументам устаноўлена, што навучэнцы ўстаноў агульнай сярэдняй адукацыі і спецыяльнай адукацыі, размешчаных на тэрыторыі сталіцы, якія пражываюць на тэрыторыі Мінскага раёна з 1 верасня па 30 чэрвеня маюць права на бясплатны праезд на аўтамабільным транспарце агульнага карыстання рэгулярных прыгарадных зносін ад месца жыхарства (месца знаходжання) да месца вучобы і назад. Навучэнцы рэалізуюць права на бясплатны праезд на падставе даведкі, якая пацвярджае іх навучанне ў сталічных установах адукацыі.
Сяргей РАСОЛЬКА
Сумесныя праекты ядзерных тэхналогій.