Магутны навальнічны фронт, які прагнаў з Беларусі ў нядзелю анамальную спякоту, прынёс наўзамен іншыя непрыемныя з'явы — ураганны вецер і моцныя дажджы. Па звестках ДПА «Белэнерга», амаль 839 населеных пунктаў засталіся праз непагадзь без святла.
— Шквал сарваў дахі з 11 сельскагаспадарчых пабудоў, — паведаміў памочнік міністра па надзвычайных сітуацыях Віталь Навіцкі. — Болей за ўсіх ад парываў моцнага ветру, якія дасягалі 21 метра за секунду, пацярпелі Стаўбцоўскі, Пухавіцкі і Капыльскі раёны Мінскай вобласці. У Мінску паваленыя дрэвы пашкодзілі 7 легкавых аўтамабіляў. На шчасце, з людзей траўмы ніхто не атрымаў.
Між іншым, сталіцу стыхія накрыла двойчы. А другой гадзіне дня ў нядзелю «паплыў» захад Мінска. Як зазначылі ў ДП «Мінсктранс», пасля поўначы праз магутную залеву быў сарваны рух трамваяў на паўночным усходзе горада.
Згодна з данымі Белгідрамета, на метэастанцыі Валожын за нядзелю выпаў 61 мм ападкаў — гэта 69% месячнай нормы.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
