У Брэсцкім раёне і па ўсёй Берасцейшчыне ўсё болей шырокую вядомасць набывае краязнаўчы альманах «Астрамечаўскі рукапіс». Выйшаў у свет яго чатырнаццаты выпуск.
Невялікі наклад, якім выходзіць гэтае адмысловае выданне, зусім не перашкода для пашырэння ведаў пра багатую на гісторыю прастору Астрамечава і ваколіц. Заснаваны больш за тры гады назад, альманах знаёміць чытача з арыгінальнымі матэрыяламі па фальклоры, этнаграфіі краю. Уражвае тое, што многія старонкі выдання прысвечаны фальклорным запісам. Гэта, несумненна, вынікае з цеснага супрацоўніцтва альманаха з кафедрай беларускага літаратуразнаўства Брэсцкага дзяржаўнага ўніверсітэта імя А.С. Пушкіна, прафесарам, доктарам філалагічных навук Інай Швед. Яна і яе студэнты, магістранты, аспіранты — аўтары многіх публікацый у альманаху.
— А зусім нядаўна мы правялі рэспубліканскую навукова-практычную канферэнцыю «Культурна-гістарычная спадчына Астрамечава як фактар сацыяльна-эканамічнага развіцця тэрыторыі», — расказвае пісьменнік Аляксандр Валковіч. — Мы ўдзячны, што ў правядзенні гэтага форуму нас моцна падтрымала кіраўніцтва Брэсцкага раёна і ААТ «Астрамечава». З Мінска да нас наведаўся і прыняў чынны ўдзел славуты беларускі культуролаг доктар філалагічных навук Адам Мальдзіс. Ён нават прапанаваў: у Год культуры хадайнічаць перад ЮНЕСКА ад прызнанні вёскі Астрамечава выключным помнікам культурнай спадчыны. Ідэя слушная. І альманах усямерна працуе дзеля яе рэалізацыі.
«Астрамечаўскі рукапіс» ужо сёння з'яўляецца добрай крыніцай ведаў па гісторыі Астрамечава і ваколіц, па гісторыі Берасцейшчыны. Таму, відавочна, наспеў час выдаваць яго большым накладам.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
