Цэнавая сітуацыя на спажывецкім рынку стабільная, канстатуе Міністэрства гандлю, дадаючы, што за два месяцы года адзначаецца зніжэнне коштаў на свініну, паўвэнджаную каўбасу, абутак, мужчынскае і жаночае адзенне і г.д.
Спажывецкія цэны засталіся нязменнымі на аўтамабільны бензін, паслугі дашкольных устаноў і вышэйшай адукацыі. Як паведамляе міністэрства, у параўнанні з Цэнтральнай федэральнай акругай Расійскай Федэрацыі рознічныя цэны ў Беларусі на спажывецкія тавары ў сярэднім больш як на 10 працэнтаў ніжэйшыя. Па разліках Мінгандлю, у параўнанні з аналагічным перыядам мінулага года ўзровень індэкса цэн на харчовыя і нехарчовыя тавары знізіўся на 0,4 п.п.
Пры гэтым за студзень-люты Міністэрства гандлю праверыла 461 аб'ект гандлю і грамадскага харчавання, было складзена і накіравана ў судовыя органы больш за 700 пратаколаў, прыменена штрафных санкцый на суму больш як 2,7 мільярда рублёў.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.