Ранкам у пакоі інтэрната па вуліцы Казінца ў Мінску былі знойдзены целы двух маладых людзей (1995 і 1992 гадоў нараджэння), якія тут пражывалі. 19-гадовы хлопец заўважыў, што двое яго суседзяў па пакоі — рабочыя вытворчых прадпрыемстваў горада — не падаюць прыкмет жыцця. Прыбыўшыя медработнікі канстатавалі смерць...
Паводле інфармацыі ГУУС Мінгарвыканкама, было ўстаноўлена, што напярэдадні ўвечары хлопцы праз інтэрнэт набылі курыльную сумесь. Забраўшы яе з тайніка ў Першамайскім раёне сталіцы, прывезлі спайс у інтэрнат, дзе і спажылі. На працягу сутак сталічныя праваахоўнікі ўстанавілі двух маладых людзей, якія мелі дачыненне да арганізацыі і дзейнасці інтэрнэт-крамы, праз якую і была набыта курыльная сумесь хлопцамі. Адзін з фігурантаў пражываў у Светлагорску, адкуль вёўся інтэрнэт-гандаль міксамі. Яго калега знаходзіўся ў сталіцы і непасрэдна займаўся рэалізацыяй, робячы закладку ў тайнікі. Аперацыю па затрыманні ў Светлагорску і Мінску правялі практычна адначасова. У мінчаніна былі знойдзены пяць пяціграмовых пакецікаў курыльных сумесяў. Ужо падчас першага допыту малады чалавек прызнаў сваё дачыненне да рэалізацыі псіхатропаў.
Сяргей РАСОЛЬКА.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.