Валянціна Верам'ёва, настаўніца беларускай мовы
і літаратуры, г.Полацк:
1. «Біблія для дзяцей». Гэта зборнік маленькіх павучальных гісторый, адаптаваных для дзіцячага ўспрымання. З яе дапамогай можна закласці духоўныя асновы, якія неабходна фарміраваць у дзетках да 5-гадовага ўзросту.
2. Казкі. Усякія — і рускія, і беларускія, і народаў свету, і аўтарскія. Яны ў даступнай форме распавядаюць, як дабрыня, справядлівасць, працавітасць перамагаюць складаныя жыццёвыя абставіны. Калі гаварыць пра беларускія народныя казкі, ёсць цудоўны зборнік «З рогу ўсяго многа». У ім, апроч казак, змешчаны і пацешкі, і загадкі.
3. Кнігі Эдуарда Успенскага — на ўласны выбар: вершы, казкі, аповесці. У маім дзяцінстве любімых кніг гэтага аўтара было вельмі шмат. Пачаць знаёмства можна з любімых некалькімі пакаленнямі гісторый пра Чабурашку і кракадзіла Гену ці пра дзядзьку Фёдара і яго сяброў.
4. Уладзімір Мазго, «Загадкавая азбука». Кніга для малодшага школьнага ўзросту, якая дазваляе вывучыць беларускі алфавіт і зрабіць гэта цікавым, а не прымусовым заняткам, што сёння даволі актуальна.
5. Для чытання і абмеркавання з падлеткамі параю кнігу Яўгена Хвалея «Прынцэса тусоўкі». Гэта кніга насамрэч «чапляе» і яшчэ доўга не адпускае, бо яна пра сучасных падлеткаў і сучасную страшную праблему — наркаманію. Мы потым абмяркоўваем яе на занятках, і з года ў год дзеці адназначна адабраюць такое «пазакласнае чытанне», якое можа шмат чаму навучыць і дапамагае пазбегчы пэўных памылак. А для старэйшых падлеткаў, на маю думку, больш падыдуць кнігі таксама сучасных беларускіх аўтараў Людмілы Рублеўскай і Раісы Баравіковай. У іх ёсць што прачытаць і пра прыгоды, і пра каханне, і пра ўзаемаадносіны з сябрамі...
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
