На Магілёўшчыне аб'явілі дэкаду па барацьбе з забруджваннем дарог.
Па законе толькі за выкінутую з акна машыны паперку кіроўца рызыкуе заплаціць 300 тысяч рублёў. Пакаранне за гэта існавала і раней, але больш пільна парадак на дарогах супрацоўнікі ДАІ пракантралююць падчас абласной дэкады «Чыстая тэрыторыя», якая будзе доўжыцца на Магілёўшчыне да 21 жніўня. Па словах часовага выканаўцы абавязкаў начальніка ДАІ УУС Магілёўскага аблвыканкама Ігара Ісакава, акцэнт будзе зроблены не толькі на тых аўто, з вокнаў якіх ляціць смецце, але і на стане прыдарожных палос, чыгуначных пераездаў, іншых дарожных збудаванняў. Пакаранне ў выглядзе штрафу да 750 тысяч рублёў (артыкул 18.35 КаАП РБ) чакае за пашкоджанне, забруджванне альбо загрувашчванне аўтадарогі, пагрузку і выгрузку на праезнай частцы. Да 1,5 мільёна рублёў могуць заплаціць тыя прадпрымальнікі, якія захоўваюць будаўнічыя матэрыялы і іншыя прадметы на тэрыторыях агульнага карыстання. Юрыдычныя асобы за гэтае ж парушэнне рызыкуюць заплаціць удвая больш. А за невыкананне прадпісання на ліквідацыю недахопаў любы з парушальнікаў можа пазбавіцца да 3 мільёнаў рублёў.
Нэлі ЗІГУЛЯ.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.