Такі статус старажытны Полацк можа атрымаць ужо ў верасні
У нашай краіне вышэйзгаданы статус ужо маюць Наваполацк і Пінск. Вердыкт Полацку вынесуць эксперты ЮНІСЕФ. — У пазамінулым годзе горад стаў удзельнікам адпаведнай глабальнай ініцыятывы гэтай арганізацыі. За апошні час зроблена дастаткова шмат для паўнавартаснага развіцця дзяцей, створаны ім неабходныя ўмовы, — паведамілі «Звяздзе» ў райвыканкаме.
У прыватнасці, у горадзе пры школах створаны «бізнес-кампаніі» для вывучэння азоў прадпрымальніцтва. Ёсць нават орган дзіцячага самакіравання — парламент. Гараджане ганарацца, што ў іх «горадзе музеяў» ёсць і ўнікальны дзіцячы. Каб наведаць яго, людзі прыязджаюць з усіх кантынентаў.
Менавіта ў Полацку ёсць унікальная навучальная ўстанова, вядомая нават за акіянам, — кадэцкае вучылішча. Яно з'яўляецца пераемнікам слаўных традыцый Полацкага кадэцкага корпуса, які дзейнічаў з 1835‑га па 1918 год. За час свайго існавання гэтая навучальная ўстанова дала адукацыю і выхаванне 3 тысячам афіцэрам, 14 з якіх з'яўляліся Георгіеўскімі кавалерамі.
Праект «Гарады, дружалюбныя дзецям» з'явіўся ў Еўропе напрыканцы мінулага стагоддзя. У яго аснове закладзена імкненне абараніць дзяцей ад небяспекі: сямейнага гвалту, экалагічнай нестабільнасці, сацыяльнай ізаляцыі, уцягвання ў крымінал. Сёння адпаведную праграму рэалізуюць гарады па ўсім свеце. Сярод іх — Вільнюс, Мюнхен, Лондан…
Аляксандр ПУКШАНСКІ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».