Андрэй Маліноўскі, кіраўнік аддзела па закупках:
—Ведаю, знаходзіцца многа ўмельцаў, для якіх увесь сэнс дачы — сабраць з якіх-небудзь 4 сотак мегаўраджай бульбы. Аднак для мяне дача — гэта змена абстаноўкі, найперш, безумоўна, дзеля адпачынку і аднаўлення сіл. І ніякай «фазенды» ў гэтым месцы быць не павінна. Трэба, каб былі мангал для шашлыкоў, альтанка, гамак. Быць можа, яшчэ пара град з зяленівам «на стол», але не ў вялікіх маштабах, не для нарыхтовак.
Зразумела, некалі на дачы трэба і папрацаваць — траву падкасіць, нешта адрамантаваць, іншыя дробныя справы. Але гэта, лічу, абсалютна не праблема, бо робіш для сябе. Галоўнае, выконваць усе дачныя работы без фанатызму, а з задавальненнем.
Любоў Паўлава, інжынер:
—Для мяне дача — гэта адназначна адпачынак. Калі не было сваёй дачы, я прыязджала да сваячкі. Там мы разам даглядалі агарод і сад. Але я ад такой працы заўсёды адчувала задавальненне. Нават прыемна ўспомніць…
Цяпер у нас з'явіўся свой невялікі кавалачак зямлі. Там і сапраўды шмат працы: дом дабудаваць, на самім участку газон аднавіць, кветкі пасадзіць, сад і агарод прывесці ў парадак. Але гэта мы ўсё робім не напружваючыся, каб атрымаць задавальненне ад добра зробленай працы. Ды інакш мой муж адмовіўся б прыязджаць. Клопаты на дачы для нас — своеасаблівы адпачынак ад гарадскога рытму. Мы ніколі не саджаем агародніну ў прамысловых маштабах, а столькі, каб гэта прыносіла радасць, а не стомленасць.
У нас ёсць правіла: ніколі не прыязджаем на дачу толькі «папрацаваць». Там за кубачкам кавы і абмяркоўваем нашы сямейныя навіны, і шашлыкі робім, і снедаем на свежым паветры… Але, згадзіцеся, адпачываць усё ж лепш і прыемней на дагледжанай тэрыторыі.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.