Паляўнічыя комплексы Міністэрства лясной гаспадаркі гатовыя прыняць гасцей чэмпіянату свету па хакеі.
У сістэме Мінлясгаса налічваецца 91 паляўнічы комплекс агульнай умяшчальнасцю да тысячы чалавек, паведаміла прэс-сакратар Ружэна Навіцкая. Госці змогуць правесці некалькі дзён у доміках адпачынку ў лесе, дзе створаны ўсе ўмовы для камфортнага баўлення часу, а таксама пазнаёміцца з беларускай прыродай. Трэба сказаць, што паляўнічыя комплексы традыцыйна карыстаюцца папулярнасцю не толькі сярод айчынных і замежных паляўнічых, але і сярод людзей, неабыякавых да прыгажосці нашай прыроды. Скажам, вялікай папулярнасцю ў розных узроставых груп карыстаюцца экскурсіі па экалагічных сцежках, пешыя, веласіпедныя, конныя і водныя паходы, экскурсіі па месцах з дзікарослымі грыбамі, ягадамі і лекавымі раслінамі, па водна-балотных угоддзях, кіна- і фотапаляванне на прадстаўнікоў жывёльнага і расліннага свету, якія знаходзяцца ў натуральных умовах.
Сяргей РАСОЛЬКА.
Сумесныя праекты ядзерных тэхналогій.