У акцыі «Чысты лес», якая па ініцыятыве Міністэрства лясной гаспадаркі прайшла 11 кастрычніка, узялі ўдзел амаль 30 тысяч чалавек. Агульнымі намаганнямі было сабрана і вывезена больш за тры тысячы кубаметраў смецця.
Сёлета асаблівая ўвага надавалася навядзенню парадку на землях ляснога фонду, размешчаных уздоўж аўтамагістраляў. Ачышчаліся прыдарожныя палосы ўздоўж усіх аўтамабільных дарог рэспубліканскага і абласнога значэння. Акрамя таго, добраахвотнікі не абышлі ўвагай месцы складзіравання драўніны, а таксама месцы адпачынку і іншыя аб'екты сацыяльнага значэння, размешчаныя ўздоўж дарог. Традыцыйна акцыю падтрымалі супрацоўнікі шматлікіх арганізацый, а таксама навучэнцы школ і каледжаў, студэнты і ўладальнікі дачных участкаў садаводчых таварыстваў.
Акцыя «Чысты лес» прайшла ўжо ў пяты раз. Колькасць удзельнікаў павялічваецца з кожным годам. З 2010 года ў ёй узялі ўдзел амаль 90 тысяч добраахвотнікаў.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.