Творчыя нумары падораць Магілёўскія гарадскія аркестры, Магілёўская гарадская капэла, дзіцячыя школы мастацтваў, артысты Магілёўскага гарадскога цэнтра культуры і вольнага часу.
— Уся пазітыўная музыка — гэта перш за ўсё настрой кампазітараў, якія звяртаюцца да жанчыны, — адзначыў дырэктар заслужанага калектыву Рэспублікі Беларусь Магілёўскай гарадской капэлы Сяргей Лішчэнка.—Ва ўсіх сваіх прыгожых мелодыях яны ўяўляюць любімую, дарагую жанчыну, якая натхняе іх на творчасць. І няма розніцы, дзе адбываецца канцэрт. Прыемная і пазітыўная аўра заўсёды ўзнікае там, дзе гучыць музыка.
