Абласны этап рэспубліканскай гульні праходзіць на базе Магілёўскага электратэхнічнага каледжа. Мерапрыемства сабрала больш за 120 прадстаўнікоў Магілёўскай вобласці ва ўзросце ад 14 да 16 гадоў — пераможцаў і прызёраў раённых адборачных этапаў.
— Аб’яднаныя ў каманды па шэсць чалавек, яны павінны адказаць на шэсць пытанняў у шасці тэматычных раундах, — паведамілі ў Магілёўскім абкаме БРСМ. — На абмеркаванне даецца ўсяго 30 секунд. Мэта — праверыць не толькі эрудыцыю, але і хуткасць рэакцыі, логіку і зладжанасць калектыву.
Для ўдзельнікаў падрыхтавана таксама цікавая забаўляльная праграма, да іх паслуг працуюць тэматычныя фотазоны. Кульмінацыяй стане ўрачыстая цырымонія ўзнагароджання, дзе адзначаць найлепшых. Каманда-пераможца прадставіць Магілёўскую вобласць на рэспубліканскім фінале «Вялікай маладзёжнай гульні».
Нэлі ЗІГУЛЯ
