Ён падкрэсліў, што развіццё рэгіёнаў сапраўды з’яўляецца асновай развіцця дзяржавы. Яна трымае курс на змяншэнне дыферэнцыяцыі паміж рэгіёнамі, сталіцай, буйнымі гарадамі, ураўноўванне дысбаланса, які ёсць адносна занятасці, зарплат, даступнасці паслуг і іншых абставін. 

Сёння ў краіне 118 раёнаў, 115 гарадоў, 85 пасёлкаў гарадскога тыпу і каля 23 тыс. сельскіх населеных пунктаў, дзе засяроджана сапраўднае жыццё. Прыблізна 79 % насельніцтва жыве ў гарадах. 

Тым не менш, Андрэй Лабовіч нагадаў, што ў звароце да УНС і беларускага народа Прэзідэнт Аляксандр Лукашэнка сказаў, што дзяржава не можа існаваць без вёскі. Таму стварэнне ўмоў для ўстойлівага развіцця сельскіх тэрыторый — адна з найважнейшых стратэгічных задач дзяржавы. 

Для яе ўвасаблення ў жыццё з 2005 года прымяняецца мэтавы праграмны метад, які дае імпульс для захавання і развіцця вёскі. За гэты час вырас узровень сельскагаспадарчай вытворчасці, з’явіліся аграгарадкі з сучаснай інфраструктурай, развіваюцца фермерскія гаспадаркі, аграэкатурызм, рэалізаваны шэраг інвестыцыйных праектаў, сфарміраваны новыя пункты росту. Сёння пры жаданні кожны беларус мае магчымасць займець сельскі домік з зямельным участкам.

Развіццё сельскагаспадарчай вытворчасці і перапрацоўчай галіны прызвана не толькі забяспечваць уласную харчовую бяспеку, але і экспарціраваць прадукцыю. Сёння мы рэалізуем яе ў 117 краін свету. Удалося дабіцца росту дабрабыту насельніцтва, стабільнасці спажывецкага рынку, стрымаць імклівы рост інфляцыі. 

Кіраўніком дзяржавы перад урадам пастаўлена задача забяспечыць устойлівы рост зарплаты, у тым ліку работнікаў бюджэтных арганізацый. Неабходна забяспечыць даступнасць тавараў на сяле. Кожны раён мае за мэту пошук інвестараў для рэалізацыі ініцыятывы «Адзін раён — адзін праект». Дзякуючы яе ўвасабленню ў жыццё ў рэгіёнах узнікаюць новыя вытворчыя пляцоўкі, якія дазваляюць замацавацца на малой радзіме месцічам. Нельга забывацца і на развіццё сацыяльнай інфраструктуры. 

Святлана ЯКАЎЛЕВА

Фота з адкрытых крыніц