У рамках Тыдня бацькоўскай любові 26 маладых сем’яў з усіх рэгіёнаў Віцебшчыны запрошаны на форум у турысцка-аздараўленчы комплекс «Лосвіда», што ў Гарадоцкім раёне.
У праграме — дыялогавая пляцоўка «Сям’я — будучыня краіны», работа тэматычных секцый па наступных кірунках:
- медыцынская кансультацыя «Здаровая сям’я»;
- псіхалагічная падтрымка «Сямейная псіхалогія: шлюбныя ўстаноўкі і перакананні»;
- юрыдычная кансультацыя «Формы падтрымкі маладой сям’і»;
- фінансавая адукаванасць «Планаванне бюджэту».
Адбудуцца інтэлектуальны турнір і спартыўныя спаборніцтвы.
Атрыманымі ведамі ўдзельнікі форуму змогуць падзяліцца з равеснікамі ў рэгіёнах, а выкарыстаныя формы работы прапанаваць як варыянт баўлення вольнага часу моладзі на месцах.
Святлана ЯКАЎЛЕВА
Фота з адкрытых крыніц
