Невялікі пасёлак Гучунь у Шанхаі стаў адным з цэнтраў сусветнай робататэхнічнай індустрыі, ператварыўшыся ў сучасны высокатэхналагічны кластар з уражлівымі эканамічнымі паказчыкамі, перадае «Жэньмінь жыбаа» анлайн». 

У сакавіку наведвальнікі парку «Гучунь» у аднайменным пасёлку раёна Баашань Шанхая ўбачылі незвычайнае відовішча — дэфіле чалавекападобных робатаў сярод квітнеючай сакуры. Прычына гэтага рамантычнага саюза тэхналогій і прыроды ў самім пасёлку Гучунь, дзе размешчаны Шанхайскі індустрыяльны парк робататэхнікі.

«Калі казаць аб сусветнай вытворчасці прамысловых робатаў, то трэба глядзець на Кітай, у Кітаі — на Шанхай, а ў Шанхаі — на Баашань. Мы вырабляем адну дзявятую частку ад агульнанацыянальнага аб’ёму і траціну ад шанхайскага»,—— адзначыў генеральны дырэктар парка Чжан Ін.

На тэрыторыі парку вылучаецца ярка-жоўты будынак завода FANUC — найбуйнейшай рабатызаваных базы групы за межамі Японіі. З інвестыцыямі ў 1,58 млрд. юаняў яго можна назваць сапраўдным «суперразумным заводам» у сферы робатабудавання. Гадавы кошт выпускаемай прадукцыі набліжаецца да 10 млрд. юаняў.

У Шанхайскім індустрыяльным парку робататэхнікі сёння налічваецца больш за 270 прадпрыемстваў робататэхнічнай галіны, якія фарміруюць поўны вытворчы ланцужок. Аб’ём прамысловай вытворчасці прадпрыемстваў у парку вырас з 17 млрд. юаняў у 2020 годзе да 25,8 млрд. юаняў у 2024-м — рост склаў больш за 52%. Парк стаў адным з палюсоў росту і рухаючай сілай эканамічнага развіцця Шанхая. 

Як адзначае Чжан Ін, цяпер парк развівае кірунак увасобленага інтэлекту і плануе прыцягваць вядучыя кампаніі, якія займаюцца вытворчасцю чалавекападобных робатаў, каб сфарміраваць новы пункт росту.