Паводле справаздачы, больш за палову апытаных у Кітаі амерыканскіх кампаній чакаюць, што іх бізнес стане прыбытковым або высокапрыбытковым. Пры гэтым больш за 70 % рэспандэнтаў не разглядаюць магчымасць пераносу сваёй вытворчасці ці ланцужкоў закупак за межы Кітая.

Прэс-сакратар Кітайскага камітэта садзейнічання развіццю міжнароднага гандлю Ван Вэньшуай адзначыла, што гэта сведчыць аб тым, што Кітай, несумненна, быў і застанецца ў доўгатэрміновай перспектыве прыцягальнай глебай для замежных інвестыцый і развіцця бізнесу.

У мінулым годзе камітэт правёў 462 сустрэчы з кіраўнікамі замежных урадавых, дзелавых і міжнародных арганізацый, а таксама 16 разоў узначальваў дэлегацыі кітайскіх прадпрымальнікаў для візітаў у штаб-кватэры замежных кампаній, такіх як Apple, HP, Maersk і Mercedes-Benz. 

Доля замежных удзельнікаў на 3-й Кітайскай міжнароднай выставе па стымуляванні ланцужкоў паставак (CISCE) вырасла да 35 %. На дадзены момант шэраг замежных кампаній, у тым ліку многія з ліку 500 найбуйнейшых сусветных кампаній, ужо пацвердзілі свой удзел у 4-й выставе CISCE, якая пройдзе ў чэрвені гэтага года.

Пакуль замежныя кампаніі выказваюць давер кітайскаму рынку, патрэбнасці кітайскіх прадпрыемстваў у выхадзе за мяжу таксама працягваюць расці. У 2025 годзе прамыя інвестыцыі Кітая за мяжой выраслі на 7,1 % у гадавым вылічэнні, а па аб’ёме назапашаных інвестыцый за мяжой ужо дзевяць гадоў запар КНР застаецца ў тройцы сусветных лідараў.

Згодна са «Справаздачай аб даследаванні бягучай сітуацыі і намерах кітайскіх прадпрыемстваў у галіне замежных інвестыцый за 2025 год», заснаванай на выбарачным апытанні больш як 1200 кітайскіх кампаній, якія ажыццяўляюць замежныя інвестыцыі, каля 80 % апытаных кампаній маюць намер пашыраць ці падтрымліваць аб’ём замежных інвестыцый, а амаль 90 % рэспандэнтаў захоўваюць адносна аптымістычны погляд на песпектывы кітайскіх замежных інвестыцый.

Сярод іх у 60 % апытаных прадпрыемстваў рэнтабельнасць замежных інвестыцый або павялічылася, або засталася нязменнай. Амаль палова кампаній выказала жаданне кааперыравацца для выхаду на замежныя рынкі, аддаючы прыярытэт інвестыцыям у апрацоўчую прамысловасць, а ў 90 % рэспандэнтаў узмацнілася жаданне выкарыстоўваць юань для ажыццяўлення замежных інвестыцый.

Цяпер сістэма садзейнічання развіццю міжнароднага гандлю ўключае каля 1300 арганізацый па ўсёй краіне, 30 замежных прадстаўніцтваў, а таксама 395 механізмаў шматбаковага і двухбаковага дзелавога супрацоўніцтва, устаноўленых у больш як 150 краінах і рэгіёнах.

Ван Вэньшуай заявіла, што на наступным этапе Кітайскі камітэт садзейнічання развіццю міжнароднага гандлю будзе каардынаваць намаганні ўсёй нацыянальнай сістэмы садзейнічання міжнароднаму гандлю, пастаянна ўдасканальваць спецыяльныя рабочыя механізмы выхаду за мяжу, паскараць павышэнне комплекснай здольнасці абслугоўвання прадпрыемстваў на міжнароднай арэне, забяспечваючы больш дакладнае абслугоўванне і больш дасканалыя гарантыі, каб суправаджаць кітайскія прадпрыемствы на шляху да ўстойлівага і доўгатэрміновага развіцця.