У мінулым месяцы агульны аб’ём перавозак у сектары грамадзянскай авіяцыі Кітая вырас на 8 працэнтаў у гадавым вылічэнні і дасягнуў гістарычнага максімуму ў 15,18 млрд тон. Пра гэта паведамілі ва Упраўленні грамадзянскай авіяцыі Кітая (CAAC), перадае «Сіньхуа».

Паводле звестак CAAC, за восем месяцаў гэты паказчык склаў 108,3 млрд тон, што на 10,5 працэнта больш, чым за аналагічны перыяд мінулага года. Са студзеня па жнівень паветраным транспартам краіны было перавезена больш за 6,5 млн тон грузаў і пошты, што на 14,5 працэнта больш у гадавым вылічэнні.

У жніўні аб’ём пасажырапатоку ў грамадзянскай авіяцыі Кітая вырас на 3,3 працэнта ў гадавым вылічэнні і склаў больш за 75,36 млн чалавек. У прыватнасці, на міжнародных авіялініях гэты паказчык дасягнуў 7,47 млн чалавек, павялічыўшыся на 15,3 працэнта ў параўнанні з аналагічным перыядам мінулага года.

Па звестках CAAC, са студзеня па жнівень аб’ём пасажырскіх авіяперавозак у краіне павялічыўся на 5,3 працэнта — да 520 млн чалавек.