Сеткавае выданне zviazda.by

Рэалізацыя на працягу чатырох дзесяцігоддзяў пасля аварыі на Чарнобыльскай АЭС мэтанакіраванай дзяржаўнай палітыкі дазволіла вырашыць найважнейшыя задачы ў інтарэсах сацыяльнай абароны грамадзян, па ўстойлівым развіцці адпаведных тэрыторый, па забеспячэнні вытворчасці нарматыўна чыстай прадукцыі. Ужо сёння можна весці гаворку аб эфектыўным адраджэнні некалі забруджаных зямель. Пасля аварыі было рэалізавана шэсць дзяржаўных праграм, на фінансаванне якіх было накіравана больш за 20 мільярдаў долараў. Дзякуючы гэтаму, напрыклад, пачынаючы з 1993 года з катэгорыі радыяцыйна небяспечных зямель выведзена больш як 20 тысяч гектараў.