Навiны
Смак інавацый і стратэгія росту: як прайшоў V Міжнародны сімпозіум кандытараў у Мінску
16 і 17 красавіка ўзбярэжжа Заслаўскага вадасховішча стала эпіцэнтрам міжнароднага гастранамічнага дыялогу. Пяты, юбілейны сімпозіум Food Prom Confectionery-2026 сабраў у «Robinson Club» каля 300 дэлегатаў з дзевяці краін свету: Беларусі, Расіі, Кітая, Швейцарыі, Італіі, Польшчы, Чэхіі, Францыі і Германіі. Пакуль эксперты абмяркоўвалі глабальныя выклікі, айчынныя фабрыкі прэзентавалі навінкі, здольныя перавярнуць уяўленне аб традыцыйных дэсертах.
Даведаліся, як робіцца знакаміты бабруйскі зефір
Тое, што кандытарскія вырабы — гэта смачна і падымае настрой, але не надта карысна, у эпоху здаровага ладу жыцця ведаюць усе. Зефір — выключэнне з гэтага правіла: з яго карыснасцю згодны дыетолагі, гастраэнтэролагі і нават стаматолагі. Дэсерт змяшчае няшмат цукру і не ўтрымлівае тлушчаў, пры гэтым багаты кальцыем, фосфарам, жалезам, магніем, вітамінамі. Падтрымлівае суставы, нармалізуе работу кішачніка, валодае антыаксідантнымі ўласцівасцямі і нават супрацьвірусным эфектам. І гэта правільна, калі зефір выраблены з натуральных інгрэдыентаў (яблычнае пюрэ, яечны бялок, патака і лімонная кіслата). У Бабруйску гэты ласунак робяць менавіта так. Прадукцыя ААТ «Чырвоны харчавік» сёння пастаўляецца ў 15 краін свету. Зрэшты, 80 % прысмакаў з бабруйскіх цэхаў з’ядаюцца ў Беларусі.
