Сеткавае выданне zviazda.by

Па даручэнні Прэзідэнта Беларусі Аляксандра Лукашэнкі міністр замежных спраў Максім Рыжанкоў абмеркаваў з міністрам замежных спраў Амана Бадрам бен Хамадам бен Хамудам аль-Бусаідзі сітуацыю на Блізкім Усходзе. Аб гэтым паведамляе БелТА.

Беларускія парламентарыі заклікалі не дапусціць далейшай эскалацыі канфлікту на Блізкім Усходзе. Пра гэта гаворыцца ў спачуванні старшыні Палаты прадстаўнікоў Нацыянальнага сходу Рэспублікі Беларусь Ігара Сергяенкі, якое накіравана старшыні Сходу ісламскага савета Ісламскай Рэспублікі Іран Махамаду-Багеру Галібафу, паведамляе БелТА.

Беларусь — краіна з экспартна-арыентаванай эканомікай. Каля шасцідзесяці працэнтаў валавога ўнутранага прадукту пастаўляецца за мяжу. Гэтая лічба не сакрэт. Яе ведаюць і нашы заходнія нядобразычліўцы. Менавіта таму большасць з уведзеных у апошнія гады санкцый былі накіраваны на экспартаарыентаваныя прадпрыемствы «рэальнага сектара эканомікі». У 2022 годзе прэм’ер-міністр Раман Галоўчанка ў выданні Al Arabіya ў частцы наступстваў для беларускай эканомікі так званых новых санкцый ацаніў патэнцыяльную шкоду экспарту ў памеры да 30 %. «З-за санкцый аказаўся заблакіраваны практычна ўвесь экспарт Беларусі ў краіны Еўрапейскага саюза, Украіны і Паўночнай Амерыкі — гэта, умоўна кажучы, сума, якая ў год складае каля 16–18 млрд долараў», — адзначыў прэм’ер.