Сеткавае выданне zviazda.by

Для практычнай падрыхтоўкі навучэнцаў набыта сучаснае навучальнае абсталяванне. Размова ідзе аб інтэрактыўных стэндах-трэнажорах для вывучэння такіх вучэбных прадметаў, як «Машыны і абсталяванне ў жывёлагадоўлі» і «Наладка, эксплуатацыя і сэрвіснае абслугоўванне аўтаматызаванага абсталявання ў жывёлагадоўлі». Гэта дасць магчымасць навучэнцам атрымаць практычны вопыт работы з тэхналогіямі, якія ўжо прымяняюцца на сучасных сельскагаспадарчых прадпрыемствах.

Да старту летняй аздараўленчай кампаніі засталіся лічаныя дні. Пакуль школьнікі прадчуваюць самыя доўгія канікулы ў годзе, у дарослых — гарачая пара. Пад увагай прафсаюзаў — бяспека месцаў дзіцячага адпачынку.

Ужо заўтра, 28 мая, прафсаюзнымі юрыстамі будзе аказана юрыдычная дапамога грамадзянам у абароне іх працоўных і сацыяльна-эканамічных правоў і інтарэсаў. Падрабязней пра месца і час правядзення прававога прыёму можна даведацца на сайтах абласных (Мінскага гарадскога) аб’яднання прафсаюзаў.

ФПБ актыўна ўключана ў рэалізацыю задач па развіццю турызму ў краіне. Пра гэта расказаў старшыня нацыянальнага прафцэнтра Юрый Сянько ў час сустрэчы з працоўным калектывам «Санаторыя «Нарач», якая прайшла ў рамках адзінага дня інфармавання і была прысвечана тэме развіцця турызму ў Беларусі.

Беларускі прафсаюз работнікаў будаўніцтва і прамбудматэрыялаў выдаў «Сямейны даведнік» для работнікаў, якія выхоўваюць дзяцей. У кампактнай брашуры выкладзена актуальная інфармацыя аб ільготах, гарантыях і ўсебаковых мерах падтрымкі.

Беларускі прафсаюз работнікаў лесу і прыродакарыстання правёў маштабную патрыятычную акцыю, прымеркаваную да Дня Перамогі. Прафсаюзныя актывісты ўшанавалі памяць загінулых у гады вайны на 81 памятным месцы — гэта як шырока вядомыя гістарычныя аб’екты, так і невялікія, але не менш значныя для жыхароў месцы.

Напярэдадні Дня Перамогі, 7 мая, на сцэне Рэспубліканскага Палаца культуры прафсаюзаў адбыўся гала-канцэрт XVIII рэспубліканскага фестывалю народнай творчасці ветэранскіх калектываў «Не старэюць душой ветэраны».

Беларускі прафсаюз работнікаў жыллёва-камунальнай гаспадаркі і сферы абслугоўвання рэалізуе рэспубліканскі патрыятычны праект «Шлях Перамогi». Ініцыятыва праходзіць ужо другі год і аб’ядноўвае ветэранаў, моладзь і прафсаюзны актыў вакол галоўнай мэты — захавання гістарычнай памяці. У гэтым годзе ўдзельнікамі мерапрыемстваў стануць больш за 700 чалавек па ўсёй краіне.

Гэтымі днямі ў Беларусі працавала дэлегацыя Усеагульнага прафсаюза работнікаў камунальных прадпрыемстваў Егіпта. Замежных калег прымалі Беларускі прафсаюз работнікаў жыллёва-камунальнай гаспадаркі і Беларускі прафсаюз работнікаў энергетычнай, газавай і паліўнай прамысловасці.