Сеткавае выданне zviazda.by

Урачыстая цырымонія адбылася ў Дзяржынскім раённым Цэнтры культуры і народнай творчасці. Арганізатарам выступае Мінскае абласное аб’яднанне прафсаюзаў пры падтрымцы Мінскага аблвыканкама.

Надышлі тэрміны выплаты страхавых узносаў у Фонд сацыяльнай абароны насельніцтва — іх неабходна ўнесці да 31 сакавіка. Што змянілася ў гэтым механізме з бягучага года? Хто абавязаны іх самастойна выплачваць, а хто можа дабравольна скарыстаць такую магчымасць? Як вылічваецца сума? Пра нюансы расказалі прадстаўнікі Фонду сацыяльнай абароны насельніцтва Міністэрства працы і сацыяльнай абароны.

Дабрачынны канцэрт «Мелодыя душы» з удзелам зорак беларускай эстрады пройдзе 24 лютага для падапечных дзіцячых сацыяльных устаноў — спецыяльных школ-інтэрнатаў і сацыяльных пансіянатаў. Канцэрт адбудзецца ў сталічнай канцэртнай зале МЦ «Дома моладзі».

Штогод у РНПЦ дзіцячай анкалогіі, гематалогіі і імуналогіі ўкараняюцца новыя сучасныя тэхналогіі ў аказанні дапамогі. У тым ліку дзякуючы ім у краіне каля 80 % дзяцей з анкалагічнымі дыягназамі паспяхова вылечваюцца. Такія паказчыкі ў лячэнні маюць толькі развітыя краіны з высокім узроўнем даходу, у краінах з нізкім і сярэднім узроўнем даходу ад раку ўдаецца вылечыць усяго каля 30 % дзяцей. Пра новыя метады ў лячэнні расказала намеснік дырэктара па клініцы РНПЦ дзіцячай анкалогіі, гематалогіі і імуналогіі, кандыдат медыцынскіх навук, дацэнт, галоўны пазаштатны дзіцячы анкагематолаг Міністэрства аховы здароўя Іна ПРАЛЯСКОЎСКАЯ.

Чатырнаццаць медыкаў хуткай дапамогі ўдастоены ганаровых грамат і падзяк ад Міністэрства аховы здароўя за работу падчас цыклону «Улі». Пераважна ў аддаленых вёсках розных рэгіёнаў краіны, нягледзячы на снежную стыхію, якая бушавала на вуліцы, яны спяшаліся да пацыентаў. Там, дзе буксавала машына, імкнуліся яе выштурхаць. Калі не атрымлівалася, ішлі пешшу з усім абсталяваннем да людзей, якія чакалі неадкладнай дапамогі, — і выратоўвалі! Каб гэта зрабіць, пацыентаў да машыны часта даводзілася несці на насілках не адну сотню метраў. 

Супрацоўнік аднаго з магілёўскіх прадпрыемстваў ад кіраўніцтва атрымаў вымову за няякаснае выкананне вуснага даручэння. Але, як высветлілася пазней, сам наймальнік не змог дакладна растлумачыць, што менавіта даручаў і на якіх падставах. Інтарэсы работніка ў судзе прадстаўляў прававы інспектар працы Магілёўскай абласной арганізацыі прафсаюза работнікаў лесу і прыродакарыстання Дзмітрый Мардачоў.

Узровень злачыннасці сярод непаўналетніх за апошнія васямнаццаць гадоў дасягнуў свайго гістарычнага мінімуму. Напрыклад, у параўнанні з 2007-м колькасць учыненых непаўналетнімі злачынстваў скараціліся ў шэсць разоў, а ў параўнанні з 2024-м — на 26 %. Знізілася і колькасць пацярпелых ад злачынстваў дзяцей — на 9 %. Пры гэтым актуальнай застаецца праблема ўцягвання непаўналетніх ва ўчыненне злачынстваў з выкарыстаннем інтэрнэту. Летась такія злачынствы ўчыніў кожны дзявяты падлетак. Вялікая колькасць дзяцей пацярпела ад махляроў у інтэрнэце. Спецыялісты расказалі пра распаўсюджаныя схемы падману і спосабы ад іх засцерагчыся.

Перадавыя тэхналогіі хірургічнага лячэння захворванняў шклопадобнага цела і сятчаткі з мінулага года магчымыя ў рэгіёнах.