Цэнтр сацыяльнай рэабілітацыі дзяцей-інвалідаў і інвалідаў «Расток» адкрыецца пасля рэканструкцыі ў пачатку ліпеня 2024 года. Якім ён будзе пасля абнаўлення, расказала намеснік старшыні камітэта па працы, занятасці і сацыяльнай абароне Мінгарвыканкама Вольга Васілеўская, паведамляе «Минск-Новости».
— Унікальнасць цэнтра — новы падыход у аднаўленні і адаптацыі людзей з інваліднасцю. У ім будуць аказваць комплекс паслуг: сацыяльныя, рэабілітацыйныя, аздараўленчыя, — падкрэсліла Вольга Васілеўская. — Таму што для чалавека, які ўпершыню атрымаў інваліднасць, пасля медыцынскага лячэння важна навучыцца жыць і камунікаваць у грамадстве з улікам наступстваў траўмы або захворвання.
Вольга Васілеўская звярнула ўвагу, што пасля рэканструкцыі цэнтр будзе прадстаўляць сучасны рэабілітацыйны комплекс. Над спальным корпусам (абнаўляемы аб’ектам) з’явіцца дадатковы паверх. Яго злучаць пераходнай галерэяй з рэабілітацыйна-аздараўленчым корпусам — новым аб’ектам. Там будуць размешчаны сталовая на 90 месцаў, басейн, актавая і спартыўная залы. На тэрыторыі ўстановы таксама з’явіцца невялікі комплекс сацыяльна-бытавой рэабілітацыі, спартыўныя пляцоўкі, сцэна пад падстрэшкам, рэкрэацыйная зона ціхага адпачынку.
— Першачарговае права на праходжанне рэабілітацыі атрымаюць людзі, якія ўпершыню атрымалі інваліднасць, — звярнула ўвагу намеснік старшыні камітэта па працы, занятасці і сацыяльнай абароне Мінгарвыканкама. — Спецыялісты цэнтра навучаць навыкам самаабслугоўвання, самастойнага пражывання, камунікацыі. Абноўленая база таксама дазволіць праводзіць заняткі ў басейне, трэнажорных залах, развіваць працоўныя навыкі ў розных майстэрнях, навучаць новай прафесіі, аказваць псіхалагічную дапамогу, арганізоўваць забаўляльныя мерапрыемствы.
Прэв’ю: pixabay.com
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
