Прэзідэнт Рэспублікі Беларусь Аляксандр Лукашэнка павіншаваў Прэзідэнта Сірыйскай Арабскай Рэспублікі Башара Асада і сірыйскі народ з Днём эвакуацыі — сімвалам незалежнасці і суверэнітэту гэтай краіны. Аб гэтым паведамілі ў прэс-службе беларускага лідара.
«Працяглы час жыхары вашай дзяржавы мужна супрацьстаяць несправядліваму знешняму націску і пагрозе распаўсюджвання тэрарызму ў краіне і ва ўсім рэгіёне Блізкага Усходу, — адзначыў кіраўнік дзяржавы. — Шчыра ўпэўнены, што сірыйцам пад сілу пераадолець існуючыя цяжкасці і выйсці на шлях адраджэння рэспублікі. А мы ў сваю чаргу працягнем падтрымліваць брацкую Сірыю для дасягнення міру, стабільнасці і росквіту».
Прэзідэнт Беларусі перакананы: «Устаноўленыя паміж Мінскам і Дамаскам сувязі, якія традыцыйна характарызуюць адкрыты дыялог і ўзаемавыгаднае супрацоўніцтва, будуць і ў далейшым паглыбляцца».
Аляксандр Лукашэнка пажадаў Прэзідэнту Сірыі моцнага здароўя і плённай дзейнасці, а дружалюбнаму народу Сірыі — згоды і дабрабыту.
Прэв’ю: БелТА
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
