У Анапе стартаваў першы круг фінальнага турніру Маладзёжнай валейбольнай лігі Расіі сярод жаночых каманд сезона-2023/24, паведамляе БелТА.
Удзел у Маладзёжнай лізе Расіі прымаюць дублюючыя склады каманд — удзельніц жаночай расійскай Суперлігі, дзе нашу краіну прадстаўляе «Мінчанка». Па выніках рэгулярнага сезона МВЛ фарм-клуб чэмпіёнак Беларусі «Мінчанка-2» заняў чацвёртае месца сярод 14 калектываў — усяго пуцёўкі ў вырашальны турнір атрымалі шэсць найлепшых каманд.
У стартавым матчы першага круга фіналу нашы дзяўчаты сустракаліся з «Лакаматывам-СШАР» з Калінінграда, які ў «рэгулярцы» фінішаваў трэцім. Сёння ў першай і другой партыях каманды змагаліся на роўных, але абодва разы мацнейшымі ў канцоўцы аказваліся саперніцы — 25:19 і 25:23. Навязаць такую ж барацьбу ў трэцім гульнявым адрэзку «Мінчанка-2» не змагла: паражэнне з лікам 15:25 і выніковыя 0:3 па сэтах.
17 красавіка беларускі сустрэнуцца з клубам «Зарэчча-Адзінцова-2», 18 красавіка — з чалябінскім «Дынама-Метарам-2», 20 красавіка — з казанскай камандай «Дынама-Ак Барс-УАР», а ў нядзелю — з краснадарскім «Дынама-РЦСП». Другое кола фінальнага турніру пройдзе ў Казані з 6 па 12 траўня. У папярэднія сезоны беларускія валейбалісткі двойчы траплялі на подыум па выніках чэмпіянату МВЛ: у сезоне-2020/21 «Мінчанка-2» заваявала золата, а за год да таго стала сярэбраным прызёрам.
Прэв’ю: БК “Мінск”
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
