Сталічныя праваахоўнікі затрымалі зладзейку, якая наўгад торгала за ручкі ўваходных дзвярэй чужых кватэр і дамоў, пранікала так у памяшканні і ўчыняла крадзяжы. Цікава, што гаспадары ў момант злачынства знаходзіліся дамы. Аб гэтым паведамілі ў ГУУС Мінгарвыканкама.
У Маскоўскае РУУС сталіцы звярнулася мінчанка, з кватэры якой была выкрадзена жаночая сумка.
Супрацоўнікі крымінальнага вышуку ўстанавілі, што да крадзяжу мае дачыненне 38-гадовая жыхарка Мінскай вобласці. У пад’ездзе жанчына націскала на ручкі выпадковых кватэр, пакуль на другім паверсе адна з дзвярэй не аказалася незачыненай. Не знайшоўшы нічога каштоўнага ў выкрадзенай торбе, зламысніца пазбавілася ад чужой рэчы.
Аператыўнікі затрымалі злачынцу з доказамі злачынства адразу пасля ўчынення чарговага крадзяжу: яна праз адчыненыя дзверы ўвайшла ў дом у прыватным сектары і выкрала скрутак, які ляжаў на кухні і ў якім знаходзілася Br2 тыс. і $100. Гэтая сума канфіскавана і будзе вернута ўладальніцы.
Падчас абодвух крадзяжоў гаспадыні рэчаў знаходзіліся дома, аднак не заўважылі прыходу зламысніцы. Вядома, што такім жа спосабам «ручачніца» учыніла крадзеж у Брэсцкай вобласці, і раней ужо была судзімая за аналагічнае злачынства.
Прэв’ю: БелТА
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
