У горадзе Цяньцзінь (Паўночны Кітай) адбылася ўрачыстая цырымонія, прысвечаная ўводу ў эксплуатацыю нацыянальнай суперкамп’ютарнай інтэрнет-платформы, перадае «Сіньхуа».
Платформа будзе садзейнічаць змякчэнню супярэчнасцяў паміж попытам і прапановай у галіне вылічальных магутнасцяў, а таксама аказваць падтрымку развіццю лічбавай эканомікі і будаўніцтву лічбавага Кітая. «Платформа будзе выкарыстоўваць штучны інтэлект для садзейнічання інавацыйнай дзейнасці ў сферы апаратнага забеспячэння, алгарытмаў, дадаткаў і сістэм у вылічальнай вобласці», — падкрэсліў Цянь Дэпэй, акадэмік Акадэміі навук Кітая і кіраўнік экспертнай групы па распрацоўцы гэтай платформы.
Больш за 200 пастаўшчыкоў паслуг, якія прапануюць дадаткі, даныя і вылічальныя мадэлі, далучыліся да гэтай платформы, прадаставіўшы больш за 3200 відаў прадукцыі, якія ахопліваюць такія сферы перадавых лічбавых інавацый, як навуковыя вылічэнні, прамысловае мадэляванне і навучанне мадэлям штучнага інтэлекту.
Будаўніцтва нацыянальнай суперкамп’ютарнай інтэрнет-платформы пачалося ў красавіку 2023 года, паведамілі ў Міністэрстве навукі і тэхналогій КНР.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.