Даследчы інстытут «Хужунь» апублікаваў глабальны рэйтынг Global Unicorn Index 2024. Тут прадстаўлены кампаніі, кошт якіх перавышае мільярд долараў. Гэтая справаздача таксама ўключыла 100 лепшых сусветных інвестыцыйных інстытутаў-адзінарогаў, перадае «Жэньмінь жыбаа» анлайн».
Сярод 1453 прадпрыемстваў-аднарогаў у свеце, ЗША лідзіруюць з 703 кампаніямі, гэтая колькасць павялічылася на 37 у параўнанні з папярэднім паказчыкам, Злучаныя Штаты займаюць долю ў 48 працэнтаў у свеце. Кітай на другім месцы з 340 прадпрыемствамі, рост — 24 кампаніі. Індыя размясцілася на трэцім месцы з 67 кампаніямі, у іх стала на адну менш. Вялікабрытанія прадстаўлена 53 кампаніямі (плюс чатыры прадпрыемствы). У краінах Еўрапейскага Саюза налічваецца 109 кампаній-аднарогаў, рост — 5 прадпрыемстваў.
Кітайскі тэхналагічны гігант Bytedance, матчына кампанія відэаплатформы TikTok і яе кітайскай версіі Douyin, па-ранейшаму з’яўляецца самай каштоўнай кампаніяй-аднарогам у свеце з рынкавым коштам прыкладна 1,56 трыльёна юаняў. Кошт амерыканскай арганізацыі OpenAI павялічваўся хутчэй за ўсіх, яна стала трэцім аднарогам у свеце з коштам 710 млрд. юаняў. Кампаніі Ant Group і Cainiao Network прадэманстравалі найбольшае зніжэнне кошту, які ўпаў на больш за 280 млрд. і амаль 120 млрд. юаняў адпаведна.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.