У чэмпіянаце Беларусі па валейболе сярод жаночых каманд сезона-2023/24 стартавала паўфінальная стадыя плей-оф, паведамляе БелТА.
Пуцёўкі ў паўфінал турніру раней заваявалі брэсцкае «Прыбужжа», гродзенскі «Камунальнік-ДРГУ», а таксама «Камунальнік» з Магілёва, якія занялі першае, другое і трэцяе месцы па выніках рэгулярнага чэмпіянату. Наўпрост у лік паўфіналістак трапілі дзеючыя чэмпіёнкі краіны з «Мінчанкі», якія ў гэтым сезоне выступалі ў розыгрышы жаночай расійскай Суперлігі.
Абарону нацыянальнага тытула сталічныя дзяўчаты пачалі з дамашняй гульні супраць магілёўскіх валейбалістак. Першы матч серыі да трох перамог скончыўся ўпэўненай перамогай «Мінчанкі» з лікам 3:0 (25:13, 25:19, 25:16). Наступны паядынак паміж камандамі адбудзецца заўтра таксама ў Палацы спорту «Уручча». Другую паўфінальную пару склалі «Прыбужжа» і «Камунальнік-ДРГУ», гэтае супрацьстаянне стартуе 13 красавіка ў Брэсце.
Яшчэ чатыры жаночыя каманды, якім у «гладкім» сезоне не ўдалося выйсці ў плэй-оф, будуць аспрэчваць месцы з пятага па восьмае. У кругавым турніры згуляюць «Жамчужына Палесся» з Мазыра, сталічныя РГУАР-2008 і «Мінчанка-2», а таксама баранавіцкі «Атлант».
Прэв’ю: БелТА
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
