У Іу значна павялічыўся аб’ём алімпійскіх заказаў

Да адкрыцця летняй Алімпіяды ў Парыжы засталося менш за чатыры месяцы, а ў Іу — «сусветным горадзе-супермаркеце» — ужо пануе алімпійская атмасфера, перадае «Жэньмінь жыбаа» анлайн».

У апошні час тут прадстаўлена шмат новых тавараў з французскай сімволікай, яны заваявалі папулярнасць, як толькі з’явіліся на прылаўках. На думку прадпрымальнікаў, маштабныя мерапрыемствы, такія як Алімпійскія гульні, стымулююць развіццё турыстычнай галіны і спрыяюць прыцягненню кліентаў. 

З другой паловы мінулага года Іу атрымаў дзясяткі заказаў, звязаных з Алімпіядай. Да мясцовых прадпрымальнікаў звяртаюцца кліенты з Іспаніі, Алжыра і іншых суседніх з Францыяй краін.

Згодна з мытнай статыстыкай горада, сёлета са студзеня па люты аб’ём экспарту Іу ў Францыю ў вартасным выражэнні дасягнуў 540 мільёнаў юаняў, павялічыўшыся на 42 працэнты ў гадавым вылічэнні. Экспарт спартыўных тавараў павялічыўся на 70,5 працэнта.