Задача нумар 1 для прамысловасці — фарсіраванае індустрыяльнае развіццё. Аб гэтым заявіў прэм’ер-міністр Беларусі Раман Галоўчанка на нарадзе ў кіраўніка дзяржавы аб стане і задачах развіцця прамысловасці, перадае БелТА.
«Задача нумар 1 для прамысловасці на канец бягучай пяцігодкі і на наступную — гэта фарсіраванае індустрыяльнае развіццё. Эканоміка на працягу бліжэйшых гадоў будзе аб’ектыўна адчуваць дэфіцыт кадраў. Рашэнне толькі адно — павышэнне прадукцыйнасці працы і мадэрнізацыя прамысловасці. Што для нас стратэгія развіцця прамысловасці? Простыя рэчы — выручка, сабекошт, якасць, продажы, кадры і стварэнне новых вытворчасцей высокіх тэхналагічных перадзелаў», — адзначыў Раман Галоўчанка.
Ключ да павышэння выручкі, паводле яго слоў, — у павышэнні загрузкі вытворчых магутнасцей. Сітуацыя на прадпрыемствах розная: магутнасці вытворчасці пасажырскага транспарту загружаны больш як на 100 працэнтаў, а падшыпнікаў — усяго на 12 працэнтаў.
Знізіць жа сабекошт дапаможа асэнсаваная лакалізацыя, падкрэсліў прэм’ер-міністр. Цяперашні ўзровень у 63 працэнты недастатковы. «Лічым мэтазгодным запазычаць расійскі вопыт: дзяржпадтрымка, якая прадастаўляецца толькі пры дасягненні пэўнага ўзроўню лакалізацыі», — прапануюць ва ўрадзе.
Будзе дапоўнена.
Прэв’ю: БелТА
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
