Прэзідэнт Беларусі Аляксандр Лукашэнка павіншаваў Арцыбіскупа Юзафа (Іосіфа) Станеўскага, Мітрапаліта Мінска-Магілёўскага, з Вялікаднем, паведамілі ў прэс-службе кіраўніка дзяржавы.
«Падчас гэтых святочных дзён кожны вернік хвалюецца ў прадчуванні вялікага цуду Уваскрэсення Хрыстовага, якое абуджае любоў, веру і міласэрнасць», — гаворыцца ў віншаванні.
Каталіцкая канфесія адыгрывае значную ролю ў стварэнні непаўторнай беларускай культуры, фарміраванні ў грамадстве атмасферы добразычлівасці, узаемапавагі, чулых адносін адно да аднаго, падкрэсліў кіраўнік дзяржавы.
«Шчыра жадаю, каб Божая літасць падтрымлівала вас, давала духоўную моц, здароўе і сілы ў самаадданым служэнні людзям. Няхай ваша высокае арцыбіскупскае пакліканне і ў далейшым адгукаецца дабрынёй у думках і сэрцы кожнага чалавека», — пажадаў Аляксандр Лукашэнка.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
