У Беларусі выявілі кішэчную палачку ў імпартнай сумесі арэхаў, паведамляе БелТА са спасылкай на Дзяржаўны камітэт па стандартызацыі.
Гаворка ідзе пра сумесь «Асарты» (арэхі з цукатамі і разынкамі), вырабленую ў Цюмені. Паведамляецца, што прадукцыя не адпавядае патрабаванням тэхрэгламентаў Мытнага саюза па мікрабіялагічных паказчыках бяспекі — недапушчальнай наяўнасці бактэрый групы кішэчнай палачкі (каліформы), перавышэння дапушчальнага ўзроўню ўтрымання цвілі і да маркіроўкі прадукцыі. Акрамя гэтага, Дзяржстандарт выявіў недавес у пачках з прадукцыяй.
Камітэт выдаў прадпісанні аб ліквідацыі парушэнняў, забароне рэалізацыі, канфіскацыі з абарачэння, забароне ўвозу і абарачэння небяспечнай прадукцыі на тэрыторыі Беларусі і аб спыненні дзеяння ў рэспубліцы дакументаў аб ацэнцы адпаведнасці. Увоз і рэалізацыя забаронены з 27 сакавіка.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.